Tháinig slua breá gasúir óga an cheantar amach ar an Máirt, 2 Lúnasa chun páirt a ghlacadh i gcampa peile a bhí á eagrú ag an gCumann.  Seo é an séú bliain don Chumann a bheith ag reáchtáil campa den chuid seo agus is cinnte go bhfuil éileamh mhór air go fóill i measc ógánaigh na nOileán.  D'fhreastal 89 ógánach ar fad ar champa na bliana seo, idir na haoiseanna 7 mbliana go dtí 15, idir buachaillí agus cailíní.  Bhí Máirtín Breathnach agus Michael Bharry Ó Flatharta mar stiúrthóirí ar champa na bliana seo agus bhí Fiachra agus Ferdia Breathnach, Cóilín Phaitín Ó Conghaile, Áine Uí Mháille, Seán Pháidín Ó Curraoin, Joe Joe Mac Donnacha agus Cormac Ó Confhaola ag cuidiú leo mar oiliúnóirí.  Bhí an aimsir go maith den chuid is mó de na laethanta.  Ag deireadh an champa bronnadh cótaí le suathantas an Chumainn agus le suathantas An Roinn Gnóthaí Pobail, Tuaithe agus Gaeltachta ar gach duine a ghlac páirt.  Ba mhaith leis an gCumann buíochas a ghlacadh leis An Roinn Gnóthaí Pobail, Tuaithe agus Gaeltachta a thug cúnamh an campa samhraidh a chur ar siúl agus le Micheál Ó Conghaile istigh ag Anchor Safety/Aran Stitch as ucht a chuid tacaíochta chomh maith.