Tháinig slua breá gasúir óga an cheantair amach ar an Máirt, 3 Lúnasa chun páirt a ghlacadh i gcampa peile a bhí á eagrú ag an gCumann.  Seo é an cúigiú bliain an Cumann ag reáchtáil campa den chineál seo agus is cinnte go bhfuil éileamh mhór air go fóill i measc ógánaigh na nOileán.  D'fhreastal 95 ógánach ar fad ar champa na bliana seo, idir na haoiseanna 7 mbliana go dtí 14 agus idir buachaillí agus cailíní.  Bhí Máirtín Breathnach agus Michael Bharry Ó Flatharta mar stiúrthóirí ar champa na bliana seo agus bhí Fiachra Breathnach, Cóilín Phaitín Ó Conghaile, Áine Uí Mháille, Gráinne Ní Mháille, Joanie Bharry Ní Fhlatharta, Colm Ó Conghaile, Patrick Mark Ó Fátharta agus Pádraig Choilmín Ó Conghaile ag cuidiú leo mar oiliúnóirí.  Bhí an aimsir go maith den chuid is mó, bhí orainn iad a ligean abhaile uair níos luaithe ar an Déardaoin de bharr na báistí ach bhí an ghrian le feiceáil go minic ar na laethanta eile.  Ag deireadh na seachtaine bronnadh geansaithe Fleece le suathantas an Chumainn agus le suathantas An Roinn Gnóthaí Pobail, Tuaithe agus Gaeltachta ar gach duine a ghlac páirt.  Ba mhaith leis an gCumann buíochas a ghlacadh leis An Roinn Gnóthaí Pobail, Tuaithe agus Gaeltachta a thug cúnamh an campa samhraidh a chur ar siúl agus le Micheál Ó Conghaile istigh ag Anchor Safety/Aran Stitch as ucht a chuid tacaíochta chomh maith.