Header image
Leitir Móir, Co. na Gaillimhe
line decor

TORTHAÍ - 2018

line decor
 
 
 
 

Cliceáil ar cheann de na roghanna thall ar chlé chun torthaí na foirne sin a fheiceáil.
 
Tá foirne againn ag imirt sna grádanna seo: Sinsear, Sóisear A, Sóisear C, Faoi 21, Mionúir, Faoi 16, Faoi 14, Faoi 12, Faoi 10 agus Faoi 8.
Foirne na mBan: Sóisear, Mionúir, Faoi 16, Faoi 14, Faoi 13 agus Faoi 11
Seo liosta de na bainisteoirí foirne
 
Eanáir
Bhí Seán Aindí Ó Ceallaigh mar lánchúlaí ar fhoireann Sinsear na Gaillimhe a fuair an ceann is fearr ar Shligeach i Sraith FBD Chonnacht le 1-12 i gcoinne 0-11 in Ionad Lárionad Spóirt CLG Chonnacht, sa Bhéacán i Maigh Eó, ar an Céadaoin, 3 Eanáir. Fuair Seán Aindí cárta dúbh sa gcéad leath sa gcluiche seo. Bhí sé ar ais mar lánchúlaí arís nuair a fuair siad an ceann is fearr ar Mhaigh Eó ar an Aoine, 12 Eanáir thuas ar Pháirc Mhic Éil, Caisleán an Bharraigh, 1-10 le 1-9. Fuair Seán Aindí cárta dearg sa gcluiche seo gar de dheireadh na himeartha agus dá bharr sin ní raibh sé in ann imirt i gcoinne Liatroim ar an Domhnach, 14 Eanáir nuair a fuair Gaillimh an ceann is fearr, 3-6 le 0-8 thuas ar an Fhairche. Mar gheall ar an 3 bua seo cháiligh Gaillimh do cluiche ceannais an FBD i gcoinne Ros Comáin. D'éirí le Seán Aindí Ó Ceallaigh, agus é ag imirt mar lánchúlaí, fanacht ar an bpáirc ar feadh an cluiche ar fad agus Gaillimh ag fáil an ceann is fearr ar Thír Eoghain, 1-9 le 0-8, sa gcéad cluiche den tSraith Náisiúnta Peile, Roinn 1 ar Pháirc Naomh Iarlaithe i dTuaim ar an Domhnach 28 Eanáir. Ainmníodh Seán Aindí ar fhoireann CLG na seachtaine tar éis a thaispeántas.

Bhí bua iontach ag an lánchúlaí Sarah Ní Loingsigh agus ag foireann Ban na Gaillimhe ar Mhaigh Eo thuas i Mainistir Mhaigh Eo i gcluiche ceannais Sraith Gheimhridh Chonnacht, 6-13 le 1-4, ar an Domhnach, 21 Eanáir. Bhí Sarah sa líne lánchúl arís nuair a fuair siad an ceann is fearr ar Muinecháin, 4-10 le 2-6, sa gcéad cluiche den tsraith i Lárionad Spóirt Chonnacht i mBéal Átha hAmhnais ar an Domhnach, 28 Eanáir. Scóráil Sarah pointe ón imirt.

Foireann Ban na Gaillimhe 2018
Foireann na Gaillimhe a bhuaigh an tSraith Gheimhridh le Sarah Ní Loingsigh sa líne tosach ar dheis.      Pictiúir: Facebook Mná na Gaillimhe
 

Bhí Tadhg Ó Máille sa chúl d'fhoireann Ollscoil na hÉireann, Gaillimh a fuair an ceann is fearr ar IT Shligeach, 3-15 le 1-6, sa gcéad bhabhta de Corn Mhic Shigiúir ar an Daingin i nGaillimh ar an gCéadaoin, 24 Eanáir. Bhí Evan Ó Flatharta sna fir ionaid.

Bhuaigh Foireann Sóisear Scoil Chuimsitheach Chiaráin, An Cheathrú Rua Comórtas Díospóireachta Uí Chadhain, Craobh na hÉireann eagraithe ag Gael Linn, ar an gCéadaoin, 24 Eanáir. Bhí Colm Mac Donnacha (mac le PJ agus le Eileen Mhyle) as Tír an Fhia mar chaptaen ar an fhoireann agus bhí Caoimhe Ní Thuathail (iníon le Marie (Ní Mhócháin) agus le Cathaoirleach Naomh Anna, Michael) agus Anna Nic Dhonnacha as an gCeathrú Rua.

Foireann Sóisear Scoil Chuimhsitheach Chiaráin 2018
Máirín Ní Dhohmnaill (Múinteoir), Caoimhe Ní Thuathail, Colm Mac Donnacha agus Anna Nic Dhonnacha le Corn Uí Chadhain     Pictiúir: Gael Linn
 
Fuair Foireann Sinsear Scoil Chuimsitheach Chiaráin, An Cheathrú Rua an ceann is fearr ar Coláiste Mhic Dhaibhéid as Caisleáin an Bharraigh, 1-13 le 0-9, i gcluiche ceathrúceannais Connacht, Roinn D, in Ionad Lárionad Spóirt CLG Chonnacht, sa Bhéacán i Maigh Eo, ar an Céadaoin, 24 Eanáir.
 
Feabhra
Fuair foireann Sinsear na Gaillimhe a dara bua sa tSraith Náisiúnta agus Seán Aindí Ó Ceallaigh nuair a fuair siad an ceann is fearr ar Dhún na nGall thuais ar Pháirc Uí Dhomhnaill i Leitir Ceannain ar an Domhnach, 4 Feabhra, leis an scór 1-12 le 0-14. D'éirí le Gaillimh agus Seán Aindí Ó Ceallaigh arís mar lánchúlaí, an ceann is fearr a fháil ar Mhaigh Eo, 1-13 le 0-11, sa tríú babhta den tSraith Náisiúnta Peile, Roinn 1 i Stáid an Phiarsaigh ar an Domhnach, 11 Feabhra. Thosaigh Seán Aindí Ó Ceallaigh i ngeansaí uimhir 7 i gcluiche ceannais Sraith an FBD ach fuair Ros Comáin an ceann is fearr orthu thuas ar Pháir de hÍde in Ros Comáin le aon pointe amháin, 3-12 le 2-16, ar an Domhnach, 18 Feabhra.

Chríochnaigh Mná na Gaillimhe cothrom le Dún na nGall thuas i nGleann Fhinne, Dún na nGall ar an Domhnach, 4 Feabhra, 0-16 le 1-13. Tháinig Sarah Ní Loingsigh isteach sa dara leath den cluiche. Thosaigh Sarah mar lánchúlaí ar fhoireann Ban na Gaillimhe a chas le Mhaigh Eo sa tríú babhta den tsraith náisiúntai Stáid an Phiarsaigh ar an Domhnach, 11 Feabhra. Cé go raibh an-cluiche ag Sarah fuair Maigh Eó an ceann is fearr ar Ghaillimh, 1-7 le 2-7.

Fuair Foireann Sinsear Scoil Chuimsitheach Chiaráin, An Cheathrú Rua an ceann is fearr ar Coláiste Mhuire Baile an Mhota as Sligeach, 6-11 le 2-14, i gcluiche leathcheannais Connacht, Roinn D, in Ionad Lárionad Spóirt CLG Chonnacht, sa Bhéacán i Maigh Eó, ar an Céadaoin, 7 Feabhra.

Bhí Tadhg Ó Máille sa chúl d'fhoireann Ollscoil na hÉireann, Gaillimh a fuair an ceann is fearr ar Coláiste na hOllscoile, Corcaigh, 1-9 le 0-7, sa dara babhta de Corn Mhic Shigiúir thíos sa Mardyke i gCorcaigh ar an gCéadaoin, 7 Feabhra. Fuair Tadhg cárta dúbh ag deireadh na himearta agus é ag tabhairt cic pianóis uaidh ach tháinig fear an Spidéil, Manus Breathnach, isteach agus shábháil sé an cic pianois sin. Bhí Evan Ó Flatharta sna fir ionaid. Tá tuairisc ón gcluiche le feiceáil ar shuíomh idirlíon the42.ie. Theip ar fhoireann Ollscoil na hÉireann, Gaillimh i gcluiche ceannais Corn Mhic Shigiúir nuair a fuair Ollscoil Bhaile Átha Cliath an ceann is fearr orthu thuas in Ascaill Sheantraibh i mBaile Átha Cliath le aon phointe amháin, 2-9 le 1-13 ar an Satharn, 17 Feabhra.

Foireann Ollscoil na hÉireann Gaillimh 2018
Ar chúl: Aaron O'Connor (Ciarraí), Peter Cooke (Maigh Cuilinn), Gerard O'Kelly Lynch (Sligeach), Enda Tierney (Uachtar Ard), Adam Gallagher (Maigh Eo), Tadhg Ó Máille (Naomh Anna, Leitir Móir), Brian Donovan (Luimneach), Céin D'arcy (Cathair Lios Greáin), Seán Kelly (Maigh Cuilinn)
Chun tosach: Stephen Brennan (Maigh Eo), Ruairí Greena (Cill Aithnín), Kieran Molloy (Corafinne), Owen Gallagher (Aontroim), Seán Ó Maoilchiaráin (Oileáin Árann), Damien Comer (Eanach Dhúin, captaen).      Pictiúir: Cuntas Twitter CLG OÉ, Gaillimh
 
 
Foireann Ollscoil na hÉireann Gaillimh 2018
Painéal Ollscoil na hÉireann, Gaillimh 2018. Tá Tadhg Ó Máille (1) & Evan Ó Flatharta (33) le taobh a chéile sa líne cúil.      Pictiúir: Cuntas Twitter CLG OÉ, Gaillimh
 
 Ar an lá céanna fuair Coláiste Mhuire Gan Smál as Luimneach an ceann is fearr ar Institiúid Teicneolaíochta Phort Láirge i gcluiche ceannais Corn Trench, arís le aon pointe amháin, 2-14 le 1-16. Ar fhoireann Coláiste Mhuire Gan Smál bhí Dara Mac Gearailt (mac le Cathy Nic Dhonnacha as Doirín Darach) as Cumann Mhicheál Breathnach agus Antoine Ó Laoi (mac le Joe Joe) as an Spidéal.
 
  Patric Mark Ó Fátharta agus Dara Mac Gearailt   Clann Mhic Gearailt
  Patrick Mark Ó Fátharta agus a cholceathair Dara Mac Gearailt   Clann Mhic Gearailt
 
 
 
Márta