Cliceáil ar cheann de na roghanna thall ar chlé chun torthaí na foirne sin a fheiceáil.

Tá foirne againn ag imirt sna grádanna seo: Sinsear, Sóisear A, Sóisear C, Faoi 21, Mionúir, Faoi 16, Faoi 14, Faoi 12, Faoi 10 agus Faoi 8.

Foirne na mBan: Sóisear, Faoi 16, Faoi 14, Faoi 13 agus Faoi 11

Seo liosta de na bainisteoirí foirne

Eanáir

Bronnadh gradam Réalt na Gaillimhe sa Dornálaíocht don bhliain 2011 ar Chiaráin Ó Gríofa as an éacht a rinne sé i 2011.

Feabhra

Thosaigh an séasúr nua peile le cluiche craoibhe Faoi 21 A ar an Máimín i gcoinne Bhearna. Lá bog a bhí ann, an pháirc fliuch. Scóráil Aonghus Ó Fátharta an chéad scór den bliain peile nua le cúilín ó chic saor. Bhí Naomh Anna chun cinn ag leathama le pointe amháin, 0-4 le 0-3. Chothrom Bearna rudaí le pointe go luath sa dara leath ach fuair Naomh Anna an chéad dá scór eile le cúl agus cúilín chun dul 4 pointe chun cinn le 10 nóiméad fágtha ar an gclog. Ach b'iad Bearna a chríochnaigh ba láidre le cúig chúilín chun an bua a fháil ag deireadh na himeartha le pointe amháin. Níor bhfuair muid ach scór amháin ón imirt, cúl ó Aonghus Ó Fátharta. Scóráil Aonghus an 5 phointe ó chiceanna saor.

Márta

Tháinig Colm Mac Donnacha isteach mar fhear ionad ar fhoireann Faoi 21 na Gaillimhe a d'imir i gCraobh Chonnacht i gcoinne Mhuigh Eo i gCaisleán an Bharraigh ar an gCéadaoin, 14 Márta. Faraor, tar éis am breise, theip orthu le dhá phointe, 1-14 le 0-15.

Tá áit bainte amach ag Sarah Ní Loingsigh agus ag foireann sinsir Ban na Gaillimhe i gcluche leathcheannais na Sraithe Náisiúnta, roinn a 2.

Comhgháirdeas le Sarah Ní Loingsigh agus le foireann Coláiste Mhuire Gan Smál, Luimneach a bhuagh Corn Giles lena mbua ar Ollscoil na hÉireann, Magh Nuad
tar éis am breise i mBéal Feiriste ar an Domhnach, 25 Márta.

Chuaigh an fhoireann sinsear chun páirce don chéad uair i 2012 nuair a d'imir siad Micheál Breathnach i gComórtas Peile na Gaeltachta ar Pháirc an Chnoic ar an Domhnach, 25 Márta. Scóráil Ciarán Ó Conghaile an chéad scór den tséasúir nua le cúl tar éis 37 soicind. Fuair siad an ceann is fearr ar fhir Chois Fharraige leis an scór deiridh 5-10 le 0-13.

Meitheamh

Baill an Chumann a ghlac páirt i siúlóid do Cancer Care West le gairid.

Cóilín Ó Conghaile, Stiofán Ó Conghaile, Peige hIcí, Niamh Ní Chonghaile, Deirdre Uí Chonghaile, Joe Joe Mac Donnacha, Nóra Ní Dhubháin,

Peadar Óg Ó Gríofa (Micheál Breathnach & Gaillimh), Marie Uí Thuathail, Peadar Peircín, Seosaimhín Uí Shé, Niamh Mhic Dhonnacha, Caoimhín Ó Gionnán (An Cheathrú Rua)

Lúnasa

Bhí Niamh Ní Chualáin as Cladhnach ar phanael Cailíní na Gaillimhe a bhuaigh Craobh A Faoi 16 na hÉireann nuair a fuair siad an ceann is fearr ar Chorcaigh in Aonach, Tiobrad Árann ar an 25 Lúnasa leis an scór Gaillimh 3-10, Corcaigh 1-15. Níos luaithe an mhí sin, uair Gaillimh an ceann is fearr ar Thír Eoghain sa gcluiche leathcheannais le 6-19 i gcoinne 1-7 i Ros Comáin.

Tá Niamh sa líne chúl ar dheis.

Deireadh Fómhair

Bhuaigh Niamh Ní Chualáin as Cladhnach Craobh Faoi 16 na hÉireann sa Dornálaíocht ar an Aoine 26 Deireadh Fómhair.

Samhain

Bhuaigh Niamh Ní Chualáin as Cladhnach bonn cré-umha ag Craobh Dornálaíochta na hEorpa sa bPolainn. Fuair Niamh an ceann is fearr ar Aysegi Delibasi ón Turc sa gcéad troid sa meachán 75kg ach theip uirthi sa mbabhta leathcheannais i gcoinne Matrena Viachkina ón Rúis

Nollaig

Comhgháirdeas le Foireann Máistrí na Gaillimhe a bhuaigh Craobh na hÉireann i Sligeach nuair a fuair siad an ceann is fearr ar An Chabhán le dhá phointe, 0-7 le 0-5. Bhí Séamus Ó Ráinne ina chaptaen agus lántosach agus bhí Tommy Chóilín Saile Ó Flatharta sa líne lánchúl ar chlé ar an bhfoireann.   Comhgháirdeas le Peadar DD Ó Flatharta ar bronnadh gradam FAI Réiteoir na Bliana air le gairid.   Sa bpictiúir ar chlé tá Peadar agus Tommy le feiceáil ag imirt lena chéile ar fhoireann Soisir an Chumainn i 1991. Tá Peadar sa líne chúl ar dheis agus tá Tommy chun tosaigh ar chlé. Thíos tá Peadar lena ghradam