Den chéad uair riamh bhí an dinnéar bliantúil againn i dTeach a' Daingean nó Tigh Darby mar atá aithne ag daoine go háitiúil air go fóill.  Bhí 160 duine i láthair nuair a déanadh ceiliúradh ar bhua iontach Fhoireann na mBan, a bhain amach Craobh Sóisir an Chontae lena mbua ar Bhaile an Mhuilinn agus chomh maith leis sin an fhoireann Sóisir C a bhuaigh Sraith an Iarthair lena mbua ar an gCeathrú Rua.  Ceann de na rudaí is suntasaí a bhí le tabhairt faoi deara i mbliana ná an méid daoine óga a tháinig amach ag an ócáid.  Is iad an dream óg a rinne an-oíche go deo di, lena gcraic agus lena ndamhsa.  

Ar na haíonna speisialta a bhí i láthair bhí ár seanchara, an tAire Gnóthaí Pobail, Tuaithe agus Gaeltachta, Éamonn Ó Cuív, bhí peileadóir an Chontae Micheál Ó Míocháin, bhí Rúnaí Choiste Peile an Chontae Seán de Paor agus a bhean chéile Breda, bhí Cathaoirleach Choiste Peile an Iarthair, Pádraig Mac Suibhne agus a bhean chéile Úna, bhí Cathaoirleach Choiste Ban na Gaillimhe Benny Fahy agus a pháirtnéir Breda Donaghue.  Déanadh bronnadh ar bhaill an Chumainn a bhain clú agus cáil amach ar fhoirne na Gaillimhe i 2005:- Filimine Ní Fhlatharta (Craobh Sinsir Chonnachta), Fiachra Breathnach (Craobh Faoi 21 na hÉireann agus Craobh Chonnachta), Patrick Mark Ó Fátharta agus Antoine 'Toto' Ó Gríofa (cluiche ceannais Tedd Webb Faoi 16), Sarah Ní Loingsigh (Sraith Chonnachta Faoi 14) agus Clíodhna Ní Cheallaigh (Sraith Chonnachta Faoi 12).

Bronnadh na gradam seo a leanas: Fionn Ó Céide (Faoi 12), Aonghus Ó Fátharta  (Faoi 13), Seosaimhín Ní Chonghaile  (Cailíní Faoi 14), Seosaimhín Ní Chonghaile (Cailíní Faoi 14), Michael Daniel Ó Domhnaill  (Faoi 14),  Éanna Ó Catháin  (Faoi 15), Sorcha Ní Loingsigh (Cailíní Faoi 16), Pádraig Ó Máille (Faoi 16), Aonghus Ó Laoi (Faoi 17), Seosamh Ó Ceallaigh (Mionúir), Colm Ó Confhaola  (Faoi 21), Myle Seoighe (Sóisear C), Peadar Peircín (Sóisear A), Filimine Ní Fhlatharta (Na mná), Pádraig Eoin Ó Céide (Idirmheánach), Cóilín Phateen Ó Confhaola (Corn Chuimhneacháin Mhichael Mór) agus Cáit Mhic Dhonnacha (Pearsa na Bliana).

Bhí ceol ann le Keystrings.